Turma dhe radhë të gjata janë formuar sot në metrotë e Moskës pasi sistemi i ri elektronik i lejeve të qytetit ka shkaktuar bllokimin e mijëra njerëzve në transportin publik.
Rusia njoftoi sot një rekord prej 3,388 rastesh të reja me koronavirus, një rritje prej 16%, duke e çuar numrin e të infektuarve në vend në 24,490.
Me këtë ritëm, numrat e rasteve të konfirmuara ka gjasa të dyfishohen çdo pesë ditë.
Duke filluar nga sot, qytetarëve të Moskës u kërkohet të mbajnë një kod QR për t’i dhënë atyre leje të udhëtojnë për në punë ose destinacione të tjera në qytet. Regjimi i lejeve u bë i detyrueshëm të mërkurën për shoferët dhe pasagjerë në taksi ose në transport publik.
Today’s the first day Muscovites need the QR codes to go to work. A friend sent me this: to use the metro people wait in a crowded corridor for a policeman to check their documents. Shocking. #COVIDmoscow pic.twitter.com/UIXrkAZSLC
— Anna Nemtsova (@annanemtsova) April 15, 2020
Kërkesa ishte e lartë pasi qyteti të hënën kishte lëshuar 3.2 milion leje. Por ngathësia e sistemit ka ngjallur zemërim ndërsa kritikët thonë se qeveria ka krijuar një qendër të re të mundshme për infeksione.
Bllokime të mëdha trafiku u formuan në Moskë kur policia filloi të kontrollojë të gjitha makinat për leje kalimet, ndërsa pasagjerët e metrosë u rreshtuan në radhë që mund të zgjasin më shumë se një orë pasi kalon policia kontrollon lejet një nga një.
Kryetari i Bashkisë së Moskës, Sergei Sobyanin, fajësoi policinë për krijimin e radhëve. “Unë fola me shefin e departamentit të policisë dhe u kërkova atyre që të organizojnë punën e tyre në mënyrë që kontrollet e mëtejshme të mos çojnë në një grumbullim masiv të njerëzve,” shkroi ai. /Opinion.al
