28 raste të reja me COVI-19 u konfirmuan sot në Shqipëri, duke e çuar numrin e të infektuarve në total në 361.
Lidhur me rritjen e rasteve të reja, ministria e Shëndetësisë shprehet se kjo ka ardhur për shkak të mosrespektimit te masave nga qytetarët.
Ministria u ka bërë thirrje qytetarëve që të shmangin takimet si dhe të respektojnë të gjitha masat, pasi kjo është e vetmja mënyrë për të mposhtur koronavirusin.
Kjo rritje e numrit të rasteve në Shkodër dhe Tiranë tregon edhe njëherë mos respektimin e distancimit social dhe masave të kontrollit të infeksionit që Ministria e Shëndetësisë vijon të rekomandojë çdo ditë ne komunikimet publike. Aktualisht po kryhet hetimi epidemiologjik në terren edhe me një ekip të Institutit të Shëndetit Publik. Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Është po kaq e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye për të parandaluar transmetimin e COVID-19.”/ Opinion.al
