Shtatë persona kanë humbur jetën dhe 125 të tjerë janë infektuar me koronavirusin e ri në Maqedoninë e Veriut, ka bërë të ditur të mërkurën Ministria e Shëndetësisë në Shkup.
Të dhënat i referohen testimit të 1,019 mostrave në 24 orët e fundit, në qendrat e diagnostikimit në Shkup.
Viktimat që kanë ndërruar jetë janë, tre nga Shkupi të moshës 54, 73 dhe 79-vjeçare, dy nga Struga të moshës 73 dhe 66-vjeçare kurse nga një viktimë është regjistruar në Tetovë dhe një tjetër në Shtip.
Marrë paraysh të dhënat e fundit, numri i përgjithshëm i viktimave ka arritur në 164.
Që nga fillimi i pandemisë, në Maqedoninë e Veriut janë testuar 39,033 mostra dhe nga to 3,364 kanë rezultuar pozitive, ndër to 1,664 persona janë shëruar ndërsa ende aktivë janë 1,536 të tjerë. /Opinion.al
