Kryeministri Edi Rama ka akuzuar opozitën se nuk po respekton masat anti-COVID në takimet elektorale që po zhvillon ditët e fundit në disa qytete të vendit.
Sipas Ramë, opozita po ka vendosur interesin partiak mbi atë të shëndetit të qytetarëve. Kryemnsitri thotë se do të sigurojë vaksinim më të shpejt kundër COVID-19 për të shpëtuar jetë njerëzish si dhe për të lehtësuar situatën për sezonin turistik në Shqipëri.
“Lufta për t’u çliruar nga pandemia është sfida e sfidave, që duhet të na bashkojë të gjithëve, duke bërë secili detyrën e vet për të mbrojtur të tjerët, me forcën e shembullit e me gjithçka ka në dorë! Unë dhe shumica qeverisëse po bëjmë çmos, për të intensifikuar vaksinimin, por pa harruar respektimin e rregullave, por fatkeqësisht opozita po vendos interesin partiak, fushatën elektorale, mbi detyrën për mbrojtjen e shëndetit të njerëzve… Ne do të vazhdojmë, pa u lodhur, të luftojmë me gjithsej për ta nxjerrë popullin nga tuneli i pandemisë, duke vaksinuar, vaksinuar, vaksinuar dhe për ta lehtësuar sezonin e ardhshëm turistik, bashkë me ekonominë e me jetën komunitare. Dhe do t’ia dalim, medoemos.”-shkruan Rama.
Kujtojmë se kryetari i Partisë Demokratike, Lulzim Basha ka zhvilluar takime ne disa qytete ku është pritur nga dhjetëra qytetarë të cilët nuk kanë zbatuar masat anti-COVID./Opinion.al
