Aktualitet

COVID-19/ Rama: Do të ndihmojmë Kosovën për vaksinën


Bëhu pjesë e Grupit Zyrtar të Opinion.al
>> KËTU <<
               Publikuar në : 12:37 - 11/01/21 |
Doriana Çepunaj

Kryeministri Edi Rama, gjatë konferencës së ditës së sotme ka bërë të ditur se do t’i bëjë dhuratë doza të vaksinës anti-COVID Spitalit Infektiv të Kosovës.

Kryeministri deklaroi se është e rëndësishme që Kosova të ketë gati zinxhirin mbështetës.

“Fakti që dozat e kësaj jave janë ta pakta, në kuptimin në raport me nevojat e përgjithshme, ne do të japim një kontribut për infektivin e Prishtinës. Ministrja është në kontakt me homologun. Është e rëndësishme që Kosova të ketë gati zinxhirin mbështetës”, tha Rama.

Më tej Rama bëri me dije se pasnesër do të bëjë publike pamjet si ruhet vaksina. “Pasnesër do të bëjmë publik me pamje vendin, mënyrën e ruajtjes, të gjithë procesin në mënyrë që të jemi transparent. Nga ana tjetër për të treguar se gjithçka është e mirë përgatitur. Ne nuk jemi as më të pasur as më të zotët, por në këtë luftë që nga dita e parë nuk jemi prapa askujt. Për këtë jemi krenarë.”, tha Rama. /Opinion.al

Pas