Testet e Covid-19, të kryera në qytetin e Beratit nuk kanë marrë asnjë përgjigje prej 7 ditësh. Bëhet fjalë që nga data 11 shkurt.
Sipas ABCNews vonesa janë krijuar edhe në dërgimin e përgjigjeve të tamponëve që kryhen çdo ditë në këtë qytet.
Po ashtu, bëhet me dije nga Njësia Vendore e Kujdesit Shëndetësor në Berat se pranë këtij institucioni mungojnë testet PCR dhe rapid-test.
Sipas epidemiologëve, vonesat prej 7 ditësh në mbërritjen e tamponëve jo vetëm që përkeqësojnë gjendjen shëndetësore të pacientit, i cili merr mjekim pa e ditur nëse është pozitiv apo jo, por rrezikon edhe hetimin epidemiologjik të rasteve të kontakteve të tij.
Kujtojmë që vendi ynë sëfundimi ka patur një rritje të rasteve, teksa sipas Minstres së Shëndetësisë Ogerta Manastirliu spitalet COVID në Tiranë vijojnë të kenë kapacitete për të pritur pacientë. Gjithashtu edhe në spitalet rajonale disa pavionë i janë dedikuar të infektuave me COVID-19./Opinion.al
