Të dhënat e fundit kanë treguar se vaksina e BioNTech/Pfizer kundër COVID-19 nuk ka më nevojë të ruhet në temperatura ekstremisht të ulëta. Kjo do të thotë se do ta shpërndarja e dozave shumë më të lehtë dhe vaksinën shumë më konkurruese.
Mediat e huaja raportojnë se të dhënat, të cilat kompanitë ia kanë dorëzuar rregullatorit amerikan, tregojnë se dozat mund të mbahet në temperatura normale të ngrirjes mjekësore nga minus 15 gradë C në minus 25 gradë C për deri në dy javë.
Ugur Sahin, shefi ekzekutiv i BioNTech, tha të premten se aftësia për të ruajtur vaksinën në temperatura më të larta do t’i jepte qendrave të vaksinimit “fleksibilitet më të madh”, duke shtuar se kompania po vijon zhvillimin e formulave të reja për ta bërë vaksinën “edhe më të lehtë për t’u transportuar dhe përdorur”.
Vaksina e përparimit e BioNTech / Pfizer ishte e para që fitoi miratimin emergjent në Mbretërinë e Bashkuar, SHBA dhe BE.
Më parë, vaksina, e cila përdor teknologjinë ARN transportohej në temperatura minus 60C dhe minus 80C. Dozat transportoheshin në kontejnerë të krijuar posaçërisht që duhet të mbusheshin me akull të thatë çdo pesë ditë dhe sapo të mbërrinin në një klinikë, duhet të mbaheshin në frigorifer./Opinion.al
