Pfizer ka konfirmuar ditën e sotme marrëveshjen e arritur me Qeverinë e Kosovës për furnizim me vaksina kundër COVID-19.
REL raporton se në përgjigje janë ofruar pak detaje mbi marrëveshjen.
Ndër të tjera bëhet me dije se sasia dhe periudha e dërgimit të vaksinave në Kosovë mbetet konfidenciale.
“Marrëveshjet për dozat dhe kohën e dërgesave arrihen në pajtueshmëri me qeveritë, ashtu sikurse dhe Qeverinë e Kosovës dhe detajet janë konfidenciale”, është thënë në përgjigje.
Ndërkohë kujtojmë se kryeministri i Kosovës Albin Kurti ka thënë të premten përmes një postimi në ‘Tëitter’ se këto doza vaksinash do të dërgohen në Kosovë deri në fund të vitit.
Deri më tani, Kosova ka përdorur vaksinat e dhuruara nga programi COVAX i Organizatës Botërore të Shëndetësisë dhe nga Bashkimi Evropian, teksa vaksinimin e ka filluar më vonë se të gjitha shtetet e rajonit.
Aktualisht, po vaksinohen personat personat nga mosha 65 deri në 79 vjeç, pasi u vaksinuan personat mbi 80 vjeç, ata me sëmundje kronike dhe personeli shëndetësor./Opinion.al
