Teksa kërkesat për vaksinat anti-COVID janë në rritje, Pfizer dhe Moderna kanë rritur çmimet e vaksinës në kontratat e fundit të furnizimit me Bashkimin Europian, sipas The Financial Times.
Çmimi i ri për Pfizer u rrit në 19.50 euro nga 15.50 euro, citoi gazeta duke iu referuar kontratës me BE-në. Çmimi i vaksinës Moderna u rrit në 25.50 dollarë kundrejt 19 euro në marrëveshjen e parë të prokurimit.
Komisioni Europian tha të martën se BE është në rrugën e duhur për të arritur një objektiv të vaksinimit të plotë të të paktën 70% të popullsisë së rritur deri në fund të verës.
