Policia në Firence të Italisë ka arrestuar një shqiptar pasi kundërshtoi me dhunë 3 policë bashkiakë, të cilët i kërkuan të vendoste maskën, si një masë e ndërmarrë ditët e fundit, për frenimin e përhapjes së koronavirusit.
Sipas “Ilprimatonazionale”, ngjarja ndodhi në rrugën “Calzaiuoli”, ku emigranti shqiptar, i cili po ecte në rrugë pa maskë, në shoqërinë e një gruaje, gjithashtu pa maskë dhe u ndalua nga patrulla, që i kishte urdhëruar ata të vendosnin maskat, në mënyrë që të mos merrnin gjobë.
Shqiptari fillimisht filloi të diskutojë me policinë, derisa situata degjeneroi në dhunë. Duket se përleshja ishte në disfafor për bashkiakët, pasi 3 prej tyre u dërguan menjëherë në urgjencë. Njëri prej tyre ka dëmtime më të rënda dhe për pak humbi një gisht.
