Vijon të rëndohet situata e shkaktuar nga pandemia COVID-19 në SHBA. Mësohet se në 24 orët e fundit janë konfirmuar 67 mijë raste të reja me koronavirus.
Në total, deri tani në SHBA janë prekur mbi 4 milionë e 700 mijë persona, duke qenë në krye të listës së pandemisë.
Ndërkohë, në 24 orët fundit në SHBA kanë ndërruar jetë 1259 persona të prekur me koronavirus, duke e kaluar shifrën e 150 mijë personave që kanë humbur betejën me virusin vrasës.
Një nga shtetet që e kishte menaxhuar më mirë pandeminë deri tani ishte Japoni, e cila në 3 ditët e fundit ka vendosur rekord rastesh të reja. Në 24 orët e fundit, në Japoni janë konfirmuar të prekur me koronavirus 1579 persona./ Opinion.al
