Pandemia COVID-19 në Maqedoninë e Veriut vijon të ketë ritme shqetësuese. Sipas raportimit nga ana e autoriteteve shëndetësore, vetëm në 24 orët e fundit janë regjistruar 30 viktima.
Mësohet se viktimat janë të moshës nga 52 deri në 85 vjeçare.
Ndërkohë, nga 2824 tamponë të kryer kanë dalë pozitiv 1100 persona. Referuar të dhënave të 24 orëve të fundit në Maqedoninë e Veriut janë shëruar 585 pacientë.
Sa i përket rasteve të reja, më shumë janë regjistruar në Shkup 439, në Manastir 73, Gostivar 68, Tetovë 58, Kumanovë 56, Prilep 52, Shtip 42, Ohër 32. Numri i rasteve aktive në gjithë vendin ka shkuar në 22 212./ Opinion.al
