COVID-19 vijon të shkaktojë viktima në Kosovë. Autoritetet shëndetësore njoftojnë se në 24 orët e fundit kanë humbur jetën 6 persona nga COVID-19.
Ndërkohë, nga 1,281 teste të kryera në Kosovë, janë konfirmuar 206 raste të reja me COVID-19.
Instituti Kombëtar i Shëndetësisë Publike të Kosovës deklaroi se në Prishtinë dhe Fushë Kosovë janë regjistruar nga dy viktima, ndërsa nga një në Mitrovicë dhe Prizren.
Kosova ka konfirmuar në total 53,982 raste me koronavirus dhe 1,383 viktima. Të shëruar janë 46,648 pacientë, prej tyre 389 në 24-orëshin paraprak. Aktualisht rastet aktive në Kosovë janë 5,951./ Opinion.al
