Situata e COVID-19 në Kosovë vijon të jetë alarmante. Gjatë 24 orëve të fundit, janë shënuar 578 të infektuar dhe 8 të vdekur nga koronavirusi.
Bëhet me dije se janë testuar gjithsej 3.142 mostra të dyshuar me COVID-19, prej të cilëve rezultojnë 578 raste pozitive.
Brenda 24 orëve janë raportuar 8 raste të vdekjes me SARS CoV-2 pozitiv. Rastet e vdekjes janë nga komunat: Prishtinë 2 raste (92, 84 vjeç), Gjakovë 1 rast (70 vjeç), Gjilan 1 rast (71 vjeç), Klinë 1 rast (83 vjeç), Rahovec 1 rast (74 vjeç), Viti 1 rast (64 vjeç), Vushtrri 1 rast (67 vjeç).
Numri total i rasteve pozitive që nga fillimi i pandemisë është 76.688 raste nga 351.523 persona të dyshimtë në virusin SARS-CoV-2 dhe 1.696 raste të vdekjes.
Gjatë 24 orëve të fundit, janë shëruar 470 pacientë derisa numri i përgjithshëm i të shëruarve deri më sot është gjithsej 64.362 raste, kurse numri i rasteve aktive është 10.630./Opinion.al
