37 persona kanë humbur jetën nga COVID-19 në 24 orët e fundit në Itali. Autoritetet shëndetësore bëjnë me dije se nga 200 315 testime të kryera janë konfirmuar 1 325 raste të reja me COVID-19.
Ndërkohë, duket se numri i shtrimeve në spitale është në ulje krahasuar me një ditë më parë, në orët e fundit vetëm 444 persona janë shtruar në spital në kujdes intensiv.
Të shtruarit në spital me simptoma në pavijonet e zakonshme janë 2,888 persona.
Ndërkohë nga fillimi i pandemisë e deri më tani numri i përgjithshëm i personave të infektuar me Covid ka shkuar në 4,249,755 persona mes të cilëve betejën me sëmundjen e kanë fituar 4,023,957 qytetarë, teksa 127 190 kanë humbur jetën.
