Vijon të rritet numri i viktimave dhe rasteve të reja me COVID-19 në Greqi. Autoritetet shëndetësore bëjnë me dije se gjatë 24 orëve kanë humbur jetën 35 qytetarë nga COVID, teksa janë shënuar 2729 raste të reja.
Aktualisht, 364 pacientë janë të intubuar në Njësitë e Kujdesit Intensiv. Krahasuar me ditën e djeshme, sot në vendin fqinj janë shënuar dy viktima më shumë dhe më pak raste infektimesh, pasi të enjten ishin 2840.
Që nga fillimi i pandemisë në Greqi janë shënuar 13813 viktima, 95.3% e personave që ndërruan jetë kishin një sëmundje tjetër ose ishin 70 vjeç e lart./ Opinion.al
