Më 27 dhjetor mbërrijnë në Greqi dozat e para të vaksinës anti-Covid. Ndërkohë, në Selanik arritën frigoriferët e posaçëm me temperaturë -70 gradë.
Mediat greke bëjnë me dije se të parët që do të vaksinohen janë një infermiere dhe një i moshuar identiteti i të cilëve nuk është bërë publik.
Pritet që fillimisht të realizohen 100 vaksinime simbolike të stafit mjekësor, në dy spitale të mëdha të vendit, Evangjelismos dhe Sotiria më 27 dhjetor.
Ndërkohë vijon regjistrimi i stafit mjekësor si dhe grup moshave në rrezik të lartë. 1086 janë qendrat e vaksinimit në të gjithë Greqinë teksa do jenë dy operacione paralele për funksionimin, “Liria” e sistemit shëndetësor për vaksinimin dhe “Ipokratis” i policisë për shpërndarjen e sigurt dhe sipas standardeve specifike.
Kujtojmë se dje presidentja e Komisionit Evropian Ursula von der Leyen tha se 27 dhjetori është një nga tre datat e përcaktuara për të nisur vaksinimin në Evropë./Opinion.al
