COVID-19 vijon duke u përhapur me ritme të shpejta në Maqedoninë e Veriut, duke detyruar autoritetet që të shtojnë masat kufizuese.
Komisioni për Sëmundje Infektive në shtetin fqinj i ka rekomanduar qeverisë disa masa të reja, ku përfshihen mbyllja e lokaleve dhe restoranteve në orën 18:00 dhe ndalimin e grumbullimeve në shtëpi gjatë festave.
Sipas informacioneve, masat e reja pritet të hyjnë në fuqi më 18 dhjetor e deri më 21 janar.
“Rekomandimet për masa restriktive janë në drejtim të riorganizimit të orarit të punës për objektet hotelierike, rekomandime për grumbullimet publike, rekomandime për bashkësitë fetare, organizatat e ndryshëm të punës dhe rekomandime që kanë të bëjnë me punën e restoranteve në objektet hotelierike”, deklaroi ministri i Shëndetësisë, Venko Filipçe./ Opinion.al
