Londra do të kalojë në nivelin më të lartë të kufizimeve të koronavirusit. Duke filluar nga e merkura masat e reja shtrënguese parashikojnë që kryeqyteti britanik të kalojë nga portokalli në alarmin e kuq me mbylljen e re të restoranteve, lokaleve dhe disa dyqaneve.
Sipas njoftimeve parashikohet që kufizimet të zgjasin deri në 23 dhjetor. Ndërkaq bëhet me dije se për shkak të Krishtlindjeve në të gjithë Mbretërinë e Bashkuar, përfshirë Londrën do të ketë një lehtësim 5-ditor të kufizimeve.
Sipas masave të Nivelit 3, i cili përcakton edhe nivelin më të lartë të kufizimeve të COVID-19, njerëzit nuk duhet të takohen në ambiente të mbyllura shoqërore, në kopshte private, ose në ambiente të hapura publike me këdo që nuk jeton me të. Kufizimet përfshijnë edhe ndalimin e tifozëve në stadiume dhe vendet e tjera sportive, si edhe mbylljen e teatrove.
Pas dritës jeshile nga Agjencia Evropiane e Barnave, në Spanjë vaksinimi anti-kovid do të fillojë në 4 ose 5 Janar, ka njoftuar Ministri i Shëndetësisë Salvador Illa, raporton El Pais.
Testime falas anti-Covid-19 për të gjithë kanë filluar në dy qytete franceze, Le Havre dhe Charleville-Mezieres. Në portin e Normandisë, qëllimi është që të testohen 270,000 banorë në 5 ditë, të ndjekur nga Roubaix dhe Saint-Etienne. Ende nuk ka asnjë informmacione se kur pritet të hapen baret dhe restorantet duke filluar nga 20 Janari.
“Nuk mund t’ju them me siguri se ne do të rihapim baret dhe restorantet më 20 janar. Të thuash kjo do të thoshte të rrezikosh shumë,” tha ministri francez i Ekonomisë, Bruno Le Maire, i intervistuar nga Franceinfo. Sipas tij rihapja e tyre mbetet e kushtëzuar nga evolucioni i epidemisë./Opinion.al
