Autoritetet shëndetësore në Kosovë kanë njoftuar se në 24 orët e fundit kanë humbur jetën 10 persona nga COVID-19, ndërsa nga 1,375 teste të kryera, janë regjistruar 521 raste të reja.
Rastet e vdekjes janë nga komunat: Podujevë 2 raste (81,75 vjeç), Prishtinë 2 raste (83,58 vjeç), Viti 2 raste (77, 77 vjeç), Mitrovicë 1 rast (71 vjeç), Pejë 1 rast (79 vjeç), Junik 1 rast (83 vjeç), Rahovec 1 rast (78 vjeç).
Sipas të dhënave të Institutit Kombëtar të Shëndetësisë Publike në Kosovë, në 24 orët e fundit janë shëruar 585 persona, ndërsa raste aktive aktualisht janë 13.505.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 40.117 të prekur nga COVID-19. Prej tyre 1.026 pacientë kanë vdekur./ Opinion.al
