Vijon të përkeqësohet situata e pandemisë COVID-19 në Kosovë. Instituti Kombëtar i Shëndetësisë Publike njofton se nga 1.903 teste të kryera kanë rezultuar 775 raste pozitive në 24 orët e fundit.
Po në 24 orët fundit, kanë humbur jetën si pasojë e COVID-19, 15 persona. Rastet e vdekjes janë nga komunat: Prizren 4 raste (76, 66, 56, 52 vjeç), Prishtinë 2 raste (78, 66 vjeç), Ferizaj 1 rast (78 vjeç), Gjilan 1 rast (80 vjeç), Klinë 1 rast (76 vjeç), Suharekë 1 rast (77 vjeç), Pejë 2 raste (71, 64 vjeç), Vushtrri 1 rast (72 vjeç), Gjakovë 1 rast (69 vjeç) dhe Podujevë 1 rast (87 vjeç).
Numri total i rasteve pozitive që prej fillimit të pandemisë në Kosovë ka shkuar në 37.028, ndërsa kanë humbur betejën me COVID-19, 963 persona.
Instituti Kombëtar i Shëndetësisë Publike bën me dije se janë shëruar në 24 orët e fundit, 553 pacientë duke e çuar numri e përgjithshëm të të shëruarve në 22. 690 raste.
Kosova numëron 13.375 raste aktive./ Opinion.al
