Kosova ka konfirmuar 13 viktima dhe 590 raste të reja me COVID-19 në 24 orët e fundit.
“Gjatë 24 orëve të fundit janë testuar 1775 pacientë, prej tyre 590 rezultojnë pozitive, ndërsa 13 qytetarë kanë humbur jetën.”- u shpreh drejtori i IKSHPK-së, Naser Ramadani.
Sipas raportimeve ka shkuar në 45594 numri i të prekurve nga COVID dhe 1174 numri i viktimave. Po ashtu, Ramadani ka thënë se autoritetet kanë regjistruar edhe 696 raste që kanë mposhtur virusin, derisa raste aktive aktualisht janë 11,935.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 45,594 të prekur nga Covid-19. Prej tyre 1,174 pacientë kanë vdekur. / Opinion.al
