Autoritetet shëndetësore në Kosovë njoftojnë se janë regjistruar 18 raste të infektimit me koronavirus pas testimit të 1,963 mostrave.
Përgjatë 24 orëve të fundit është regjistruar një viktimë.
Instituti Kombëtar i Shëndetësisë Publike bën me dije se më 22 qershor janë shëruar 14 pacientë nga COVID-19 ndërsa raste aktive janë 165.
Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë regjistruar 107,673 të infektuar, prej të cilëve 2,253 kanë vdekur.
Fushata e vaksinimit kundër koronavirusit në Kosovë ka nisur në fund të muajit mars. Deri të hënën, sipas Ministrisë së Shëndetësisë, kanë marrë vaksinën 141,008 persona./Opinion.al
