Pas rritjes së numrit të personave të infektuar me COVID-19, Izraeli ka rikthyer sërish me detyrim mbajtjen e maskave mbrojtëse në ambientet e mbyllura.
Shqetësimi i autoriteteve është rritur, pasi vendi regjistroi më shumë se 100 raste të reja ditore.
Shumica e rasteve sipas autoriteteve, ishin DELTA dhe thuhet se ka ardhur si pasojë e kontakteve të jashtme. Kujtojmë se Izraeli ka qenë një nga vendet më të suksesshme në botë në trajtimin e pandemisë së COVID-19.
Vendi zbatoi programin më të shpejtë të vaksinimit, nga ku mbi gjysma e popullsisë prej 9.3 milionë banorë, është imunizuar pjesërisht ose plotësisht.
