Autoritetet shëndetësore bëjnë me dije se Italia ka regjistruar 13.318 raste të reja në 24 orët e fundit për një total nga nisja e pandemisë që tashmë arrin në shifrat 1,97 milionë.
Po në 24 orët e fundit shënohet një rritje e numrit të viktimave, ku në ditën e fundit raportohet se 628 persona humbën betejën me virusin.
Raportohet për 20.315 persona që kanë fituar betejën me COVID-19, ndërkohë që numri i të shëruarve ka arritur në 1.301.573 persona.
Personat e shtruar me simptoma janë 24,948, 197 më pak nga e diela. Pacientët në terapi intensive vijojnë të ulen, ndërsa italianët vijojnë të jenë të izoluar pas masave të marra nga qeveria për të parandaluar përhapjen e infeksionit gjatë festave të fundvitit./Opinion.al
