Pedagogia e Fakultetit të Shkencave Sociale, Kozeta Noti është ndarë nga jeta si pasojë e Covid-19.
Lajmin e hidhur e kanë bërë më dije vetë kolegët e pedagoges Noti.
Ka qenë profesoreshë Klodeta Dibra ajo e cila ka shprehur ngushëllimin për ndarjen nga jeta të Kozeta Notit, ndërsa me hidhërim të thellë edhe kolegët e tjerë kanë shkruar për të.
“Shumë u lutëm për ty, por përbindëshi të mundi, o e mira Kozetë! Lajmi i ndarjes nga jeta më ka mpirë trurin dhe shpirtin! Jetën e jetove bukur, me buzëqeshjen që na e dhurove pa hesap të gjithëve! E tillë do mbetesh në kuvendimet e në zemrat tona. Familja humbi njeriun e shtrenjtë! Unë humba një shoqe, mike e kolege të mrekullueshme! Universiteti i Tiranës humbi një pedagoge brilante! Shoqëria humbi një njeri me vlera të rralla! Të qoftë dheu i lehtë”, shkruan Dibra./Opinion.al
