Aktualitet

Covid-19 i merr jetën deputetit të Partisë Socialiste, Bashkim Fino


Bëhu pjesë e Grupit Zyrtar të Opinion.al
>> KËTU <<
               Publikuar në : 07:58 - 29/03/21 |
Opi Nion

Covid-19 i ka marrë jetën deputetit të Partisë Socialiste, Bashkim Fino. Deputeti socialist dhe ish-kryeministri i Shqipërisë ishte prekur nga COVID-19 dhe nuk ka mundur ta fitojë betejën, duke u ndarë nga jeta në moshën 59-vjeçare, raporton News 24.

Bashkim Fino u lindi në Tiranë, më 12 tetor 1962. Ka kryer studimet e larta në Universitetin e Tiranës, Fakulteti Ekonomik, dega Financë. Gjithashtu ka kryer specializime për menaxhimin e pushtetit vendor në SHBA, Itali, Greqi e Finlandë. Ka një karrierë të pasur profesionale në fushën ekonomike. Në vitin 1992,  Fino u zgjodh Kryetar i Bashkisë Gjirokastër, post të cilin e mbajti deri në vitin 1996.

Bashkim Fino ka një karrierë të gjatë politike në Partinë Socialiste. Prej vitit 1997 e në vazhdim Fino ka qenë anëtar i Kryesisë së PS. Kulmi i karrierës së tij do të shënohej në vitin 1997, ku do të zgjidhej Kryeministër i vendit në qeverinë e Pajtimit Kombëtar, post që do ta mbante nga muaji mars deri në korrik.

Bashkim Fino ka mbajtur edhe disa poste si ministër. Nga vitit 1997 deri në 1998 ushtroi detyrën e Ministrit të Pushtetit Lokal, njëkohësisht dhe Zv/kryeministër. Në 1999 deri në vitin 2001 do të ishte ministër i pushtetit lokal. Gjatë viteve 2001-2002 ka qenë Ministër i Punëve Publike dhe Turizmit. Ndërsa në periudhën 2004, Ministër i Rregullimit të Territorit dhe Turizmit./Opinion.al

Pas