Koronavirusi i ka marrë jetën një të riu nga Belshi. Bëhet fjalë për Alban Hidrin, i cili prej një jave ishte i intubuar në Spitalin “Shefqet Ndroqi” në Tiranë.
“News 24” raporton se i ndjeri nuk vuante nga sëmundje shoqëruese. Hidri ishte kryetar i grupseksionit të Partisë Demokratike në Rrasë.
“Na hidhëroj pa masë lajmi për ndarjen e parakohshme nga jeta e Alban Hidritne moshen 32-vjecar, Sekretarit të grupseksionit Rrasë.
Një njeri i shkëlqyer që fatkeqësisht nuk ia doli dot në betejën me Covid-19.Energjia dhe pozitiviteti i Albanit do na mungojë të gjithëve, familjes së tij të dashur, miqve dhe kolegëve”, shkruan FRPD-ja e Belshit./Opinion.al
