Presidentja e Komisionit Europian, Ursula von der Leyen ka njoftuar se një nga punonjësit e stafit të komisionit ka ndërruar jetë si pasojë e COVID-19.
Në një njoftim në Twitter ajo nuk zbulon identitetin e të ndjerit por bën me dije se ai ka qenë pjesë e Departamentit të Kërkimit dhe Inovacionit dhe punonte pranë Agjencisë Ekzekutive të Këshillit të Kërkimit Europian (ERCEA).
“Jam jashtëzakonisht e trishtuar të njoftoj për vdekjen dje të një anëtari të përkushtuar të stafit të Komisionit, i cili ishte sëmurë me COVID-19. Unë i paraqes ngushëllimet e mia të përzemërta familjes së tij, dhe mendimet e mia janë gjithashtu me kolegët e tij nga ERCEA dhe Drejtorisë së Përgjithshme të Kërkimit dhe Inovacionit”, shkruan von der Leyen. /Opinion.al
I am extremely sad to announce the passing away yesterday of a devoted Commission member of staff, who had fallen ill to COVID-19. I present my heartfelt condolences to his family, and my thoughts are also with his colleagues from the ERCEA and the wider DG Research & Innovation.
— Ursula von der Leyen (@vonderleyen) April 13, 2020
