Edhe pse ditët e fundit ka rënë numri i viktimave, koronavirusi vijon të përhapet në Francë.
Ndërkohë, bëhet me dije se Parlamenti francez ka miratuar zgjatjen e gjendjes së urgjencës shëndetësore deri më 10 korrik.
Ky vendim erdhi pas një jave debatesh dhe bisedimesh mes deputetëve dhe senatorëve. Qeveria kishte propozuar zgjatjen e urgjencës shëndetësore deri më 23 korrik 2020, por parlamenti ra dakordo që gjendja e emergjencës të zgjatet deri më 10 korrik.
Të paktën 48 orë nga fillimi i lehtësimit të kufizimit, një votim i fundit i Asamblesë Kombëtare me 450 vota pro dhe 84 kundër mundësoi miratimin e këtij projektligji të ndjeshëm.
Gjendja e jashtëzakonshme hyri në fuqi më 24 mars për dy muaj, duke i dhënë qeverisë fuqi për zbatimin e masave në luftën kundër COVID-19./ Opinion.al
