Përhapja e koronavirusit do të sjellë ndryshime të thella si transformimet shoqërore që pasuan dy Luftërat Botërore, për shkak të rritjes së zemërimit mbi pabarazinë, tha kreu i kolegjit Eton, një nga shkollat më elitare në Britani.
Virusi, i cili për herë të parë u shfaq në Kinë, ka vrarë më shumë se 235,000 njerëz, ka shkaktuar dëme të mëdha ekonomike në të gjithë botën dhe i ka lënë qeveritë të luftojnë me koston e krizës më të rëndë të shëndetit publik, që nga pandemia e gripit “Spanjoll” në 1918.
Megjithëse ndikimi i fundit i shpërthimit mbeti i paqartë, drejtori i Eton tha që COVID-19 mund të shpejtojë ndryshimet shoqërore.
‘Në të ardhmen, kur historianët të shikojnë ngjarjet e vitit 2020, ata ka të ngjarë të identifikojnë COVID-19 si nxitësin e ndryshimeve të thella,’ tha Simon Henderson, drejtori i Kolegjit Eton, për gazetën “Times”.
‘Mund të shkaktojë transformime të shpejta shoqërore dhe ekonomike, të ngjashme me ato që pasuan dy luftërat botërore’, vazhdoi ai. ‘Padrejtësitë do të bëhen transparente’.
Lufta e Parë Botërore, e cila punësoi miliona gra në fabrikat britanike, ndërsa burrat ishin regjistruar për të luftuar, i ndihmuan gratë të fitonin të drejtën e votës dhe ato mbetën më pas pjesë jetike e forcës punëtore.
Sektori i shëndetësisë dhe mirëqënies dhe shërbimi kombëtar i shëndetit në Britani, u krijuan pas Luftës së Dytë Botërore.
Henderson tha se, si rezultat i krizës së fundit, ‘shumë prej atyre që punojnë në role me paga më të ulta, janë në të vërtetë çelësi i mbijetesës sonë dhe këta njerëz që janë nënvlerësuar për shumë kohë, kanë treguar përkushtim maksimal kur ne kemi nevojë për ta.’
Henderson tha se debate politike rreth pabarazisë kanë gjasa të zhvillohen pas daljes nga kjo situatë. Ai gjithashtu tha se kriza e fundit goditi fort më të dobëtit dhe po thelloi pabarazinë.
Me fëmijët e mbyllur në shtëpi, Henderson tha se disa prej nxënësve do të bëjnë regres në edukim, nëse nuk kanë qenë në shkollë për shumë muaj. /Opinion.al
