“Persona që kanë shfaqur më herët reaksione serioze alergjike nuk duhet të marrin vaksinën e Pfizer/BioNTech, kundër COVID-19.”
Kështu kanë paralajmëruar mjekët në Britaninë e Madhe. Paralajmërimi erdhi pas marrjes së vaksinëns nga dy anëtarë të stafit të NHS dhe që shfaqën komplikacione shëndetësore.
Drejtori Kombëtar Mjekësor për NHS-në, Stephen Powis është shprehur se është e këshillueshme marrja e masave paraprake për të mos patur më vonë komplikacione të tjera.
“Siç është e zakonshme me vaksinat e reja, MHRA këshillon për marrjen e masave paraprake, që njerëzit me një histori të konsiderueshme të reaksioneve alergjike nuk mund ta marrin këtë vaksinim, pasi dy persona me histori të reaksioneve të rëndësishme alergjike kanë patur ndërlikime shëndetësore ditën e djeshme. Të dy janë duke u shëruar”, shton ai.
Agjencia Rregullative e Barnave dhe Produkteve Shëndetësore (MHRA) ka këshilluar paraprakisht shërbimet shëndetësore se kushdo që ka një histori të reaksioneve alergjike “të rëndësishme” ndaj ilaçeve, ushqimeve ose vaksinave nuk duhet ta marrin vaksinën anti-COVID.
Kujtojmë që Britania e Madhe është i pari vend në botë që ka miratuar përdorimin e vaksinës kundër COVID-19 nga Pfizer/BioNTech./Opinion.al
