Lajme të mira vijnë nga Italia, ku po shihet jo vetëm një ulje e numrit të personave që humbasin jetën asijanë prekur nga COVID -19, por po shihet një rënie e vazhdueshme edhe e numrit të personave të rinj që infektohen. Në një lidhje nga Italia, mjeku Elson Gjoni tha se në spitale prej një jave ka rënë edhe presioni.
“Kemi një ulje të vazhdueshme. Po flasim për përqindjet e të infektuarve pra, një rënie të vazhdueshme edhe të të infektuarve dhe të vdekshmërisë. Lajmi i mirë është që ka mbi një javë që po ulet presioni në spitale. Numrat në reanimacion po reduktohen, por dhe shtrimet në spitale, në repartet e tjera.
Në spitalin tonë kishim 6 reparte COVID, arritëm në kulm që ishim 180 pacientë të shtruar dhe kemi arritur me 38 pacientë në reanimacion. Shumë spitale në Lomardi u dedikuan për COVID dhe themi që gjithë pacientët e tjerë u zhdukën, që nga infarket, iktuset. Është diçka që po analizohet përse disa patologji u reduktuan në spitale. Kemi arritur në një stabilizm dhe po mendohet për fazën e dytë të hapjes, por duke ruajtur masat e mbrojtjes”, tha Gjoni./Opinion.al
