Belgjika ka lehtësuar disa nga masat e izolimit të vendosura për të parandaluar përhapjen e koronavirusit.
Kryeministrja e Belgjikës, Sophie Wilmes, vuri në dukje se ndarja nga miqtë dhe familja ishte bërë “e padurueshme” për shumë njerëz. Kështu, duke nisur nga sot, vendasit mund të ftojnë në shtëpi deri në katër persona.
Nga ana tjetër zëdhënësi i qeverisë, Steven Van Gucht, u bëri thirrje njerëzve të “mendojnë me shumë kujdes se me cilët familjarë dëshirojnë të takohen”.
Vende të tjera, përfshirë Britaninë e Madhe, raportohet se po konsiderojnë lehtësimin e masave të tilla, për t’i lejuar njerëzit të takohen me të afërmit e tyre, si një mënyrë për të ulur stresin.
Po ashtu, Belgjika ka hapur shkollat, megjithëse kapaciteti i nxënësve në klasa është ulur. Në klasa nuk do të lejohen më shumë se 10 nxënës, të cilët do të respektojnë mes tyre distancimin social. Po ashtu vendi ka hapur edhe dyqanet e veshjeve.
Sipas të dhënave të Universitetit John Hopkins, deri më tani në Belgjikë janë shënuar 53,081 raste me koronavirusin e ri, ndërsa 8,656 pacientë kanë humbur jetën./Opinion.al
