Zyra e Bashkimit Europian në Kosovë do të ofrojë 5 milionë euro për Kosovën në mbështetje të luftës kundër koronavirusi. Lajmin e konfirmon Klan Kosova, që citon zëdhënësen e kësaj zyre, Dinka Zhivalj.
“BE ka qenë gjithmonë me njerëzit e Kosovës, në kohë të mira dhe në kohë krizash. Ne jemi duke punuar me organizatat ndërkombëtare për ta ndihmuar Kosovën me ndarjen e pesë milionë eurosh për ta luftuar përhapjen e COVID-19.
“Qëllimi ynë është të ndihmojmë në mbrojtjen e shëndetit dhe jetës së njerëzve. Ne gjithashtu po kërkojmë mënyra të për ta ndihmuar ekonominë e Kosovës dhe ta zbusim krizën”, mësohet të ketë dhënë Zhivalj. Gjatë të shtunës numri I të prekurve nga koronavirusi në Kosovë shkoi në 28, pasi konfirmimit të 4 rasteve të reja./Opinion.al
