Koronavirusi vijon të përhapet me ritme të shpejta në të gjithë botën, duke shkaktuar viktima dhe dëme të mëdha ekonomike. Pas situatës së krijuar nga pandemia, Britania ka ashpërsuar masat anti-CVOVID.
Duke nisur nga kjo e premte, përdorimi i maskës mbrojtëse në dyqane do të jetë i detyrueshme. Akoma është e paqartë se kush do të monitorojë sjelljen e qytetarëve në ambiente publike dhe nëse ka gjoba për shkelësit.
Por shumë shpejt, qeveria e kryeministrit Boris Johnson, do të prezantojë të gjitha udhëzimet dhe rekomandimet e reja. Aktualisht lejohet grumbullimi i jo më shumë se 30 personave në hapësira private apo publike. Megjithatë kjo mund të ndryshojë.
Sipas asaj që raporton BBC, autoritetet mund të mbyllin atraksionet publike dhe vendet e pushimit si plazhet. Gjithashtu mund të pezullojnë dhe aktivitetet e pabeve, bareve dhe bizneseve të tjera nëse konsiderohen rrezik për përhapjen e Covid-19./ Opinion.al
