Amerika është vendi i parë në botë ku më shumë se 2 mijë pacientë me koronavirus humbën jetën në një ditë të vetme.
Të dhënat nga Universiteti Johns Hopkins tregojnë se 2,108 njerëz u ndanë nga jeta gjatë 24 orëve të kaluara ndërsa tani ka rreth 501 mijë të infektuar dhe 18777 viktima.
Rreth 7100 vdekje, ose 37 për qind e totalit, janë regjistruar në zonën e New York-ut.
Studiuesit kishin parashikuar që numri i vdekjeve në SHBA do të arrinte në kulmin e tij të premten, 10 prill, dhe pastaj gradualisht do të fillonte të bjerë, duke rënë në rreth 970 persona në ditë deri më 1 maj, ditën kur anëtarët e administratës Trump kanë parashikuar si një datë e mundshme për të filluar rihapjen e ekonomisë.
Ekspertët e shëndetësisë të Shtëpisë së Bardhë, thanë se shpërthimi i Covid-19 po fillon të nivelohet në të gjithë SHBA-në.
Dr Deborah Birx tha që kishte shenja të mira shpërthimi ishte duke u stabilizuar, por paralajmëroi:
“Megjithëse të dhënat janë inkurajuese, ne nuk kemi arritur kulmin.”
Presidenti Donald Trump gjithashtu ka thënë se ai pret që Amerika të ketë një numër më të ulët vdekjesh sesa parashikimet fillestare të 100 mijë vdekjeve./Opinion.al
