Instituti Kombëtar i Shëndetit Publik në Kosovë (IKSHPK) njoftoi të shtunën se ka konfirmuar edhe 30 raste të reja me koronavirus.
Në njoftimin e lëshuar për media, IKSHPK tha se ka testuar gjithsej 242 mostra të marra nga Klinika Infektive, nga gjurmimi i kontakteve të rasteve në terren, si dhe nga karantina në Qendrën Studentore.
“Rastet pozitive janë raste kontakti”, thuhet në njoftim.
IKSHPK-ja po ashtu bëri të ditur se të shtunën janë shëruar nëntë pacientë, duke e çuar në 93 numrin e përgjithshëm të të shëruarve.
Me shifrat e fundit, nga 4,366 të testuar në total në Kosovë, 510 kanë rezultuar pozitivë, 12 prej të cilëve kanë humbur jetën. /Opinion.al
