Ministria e Shëndetësisë ka njoftuar se në 24 orët të fundit në Shqipëri janë testuar 191 qytetarë të dyshuar si të prekur me Covid-19 dhe kanë rezultuar pozitivë 18 qytetarë.
Rastet e 24 orëve të fundit janë të shpërndara si vijon: 11 raste në Tiranë, 4 në Krujë, 2 në Berat dhe 1 në Durrës. Të shëruar janë 6 qytetarë.
Deri më sot janë konfirmuar pozitivë me COVID-19 në të gjithë vendin 898 qytetarë, ndërsa 77% e të prekurve tashmë janë të shëruar.
Në të gjithë vendin aktualisht janë 173 persona aktivë me COVID19, kryesisht ne Tiranë, Krujë, Shkodër, Kamëz.
Nga fillimi i epidemisë, deri tani, në vendin tonë janë kryer 11769 testime, nga të cilat, 11239 janë testime molekulare dhe 530 janë testime serologjike.
Shpërndarja gjeografike e rasteve aktive është si vijon:
Tiranë 81, Krujë 47, Shkodër 16, Kamëz 12, Fier 5, Berat 5, Elbasan 2, Durrës 2, Kurbin 1, Mirditë 1, Korçë 1./Opinion.al
