Ndërtesa e Parlamentit Evropian në Bruksel është duke strehuar 100 gra, shumica prej të cilave viktima të dhunës familjare.
Ndërtesa Helmut Kohl, në qendër të qytetit, ka hapur dyert për këto gra të mërkurën. Zyrat janë kthyer në dhoma gjumi, secila për një apo dy gra.
Organizata për bamirësi, Samusocial, ka thënë se kriza e koronavirusit ka rritur rastet e abuzimit në familje.
“Ne kemi pasur shumë raste që gratë janë nxjerrë në rrugë prej kur ka nisur izolimi, për shkak të dhunës në familje, e cila ka tendencë për t’u rritur këto kohë”, ka thënë drejtori i Organizatës Samusocial, Sébastien Roy.
Ndërtesat e Parlamentit Evropian aktualisht janë pothuajse të zbrazura. Vetëm disa deputetë shkojnë në ndërtesë, dhe shumica e tyre diskutojnë përmes video-konferencave./Opinion.al
