Tirana ka vendosur në ankand xhetët sovjetikë dhe kinezë, të prodhuar midis viteve 1950-1977, çka ka sjellë interesimin e gjysmës së koleksionistëve të botës.
Më fatlumi mund të çojë në shtëpi një Mig për 8 mijë euro. Mbetet për tu kuptuar më pas se çfarë do të bëjnë pasi të kenë një të tillë, sepse një gjuetar i tillë prodhim rus nuk kërkon vetëm hapësirë, por nuk arrin as të fluturojë.
Por kjo besoj se nuk përbën problem për të pasionuarit e koleksioneve, për të cilët një avion i tillë është një thesar i vërtetë.
Për pronarët e këtyre prodhimeve, sa më shpejt të hiqen nga vetja këta avionë aq më mirë është, pasi për ta është një barrë që nuk mund ta mbajnë dot në shpinën e buxhetit të Ministrisë së Mbrojtjes.
Qeveria shqiptare i ka vendosur në ankand këto xhevahire për një çmim që varion nga 8 deri në 13 mijë euro.
Hëpërhë janë 40 xhet-sovjetikë dhe kinezë, të ndërtuar midis viteve 1950-1977, të blerë për ti treguar Perëndimit kapitalist që “Vendi i Shqiponjave” e kishte seriozisht.
Për ti hequr qafe këta avionë është kontaktuar edhe Italia.
Ministria e Mbrojtes bën të ditur se nuk mungojnë të interesuarit. Për këtë është detyruar, të paktën dy herë, ti dërgojë në ankand, ndërkohë që pjesa më e mirë e fluturuesve ushtarakë gjenden të parkuar vetëm gjysmë kilometri nga pista kryesore e aeroportit të kryeqytetit ku ulen avionët civilë.
“Na kanë kontaktuar nga Italia, Shtetet e Bashkuara të Amerikës, Gjermanisë, Francës dhe shtete të tjera”, thotë Ministrja Kodheli.
Lista-ndërsa ministria do të vendosë datën e re të ankandit- përfshin 6 Yak-18, tre Mig-15, tre Uti-Mig, katër Mig-17, katër Uti-Mig 17, dhjetë Mig-19, gjashtë Mig-21 dhe katër helikopterë Mil Mi-4.
Që të gjithë të cilët flejnë në Tiranë, por edhe në bazat militare te Kuçovës dhe Gjadrit.
Kur regjimi i ndërtuar nga Enver Hoxha ra, forcat e armatosura shqiptare dispononin gati 200 gjuetarë ajrorë, dhe mbi 40 helikopterë dhe katër avionë Ilyushin IL14.
Këto të fundit përdoreshin për të transportuar funksionarët, të cilët janë shitur disa vite më parë.
Ndërsa kolapsi përfshiu vendin në vitin 1997 për shkak të Piramidave financiare, shkatërrimi i depove ushtarake çoi shqiptarët edhe në shkatërrimin e 7 Mig-ëve, të cilëve u shitën pjesët.
Por në 16 shtator 2004, kur një fluturues ra duke shkaktuar vdekjen e pilotit (viktima e 35 ajrore), që atëherë ekzekutivi vendosi tu thotë lamtumirë xhetëve ushtarakë, nga të cilët disa kanë mbi gjysmë shekulli jetë.
Edhe sepse-bëjnë të ditur ekspertët-Mig kërkojnë 54 litra karburant vetëm për një minutë fluturim.
