Kryeministri Italian Giuseppe Conte i është përgjigjur letrës së Presidentes së Komisionit Europian, Ursula von der Leyen ku ajo i kërkonte falje Italisë por që tani Bashkimin Europian do ta kishte në krah.
“E dashur Ursula, dëgjoj ide jo të denja për Europën”. Kështu e nis letrën e tij kreu i qeverisë italiane duke falenderuar së pari presidenten e KE por duke shtuar se fjalët e saj “janë provë që vendosmëria e italianëve ka tronditur ndërgjegjen e të gjithëve, duke kaluar kufijtë kombëtar dhe duke kërkuar reflektim për të sot është më urgjente: Cfarë është e gatshme të bëjë Europa jo për Italinë, por për vete.
Kjo sfidë sipas kryeministirt Italian është një thirrje për të bërë një hap cilësor i cili do ta ripërcaktonte unionin fillimisht nga pikëpamja sociale dhe politika përpara se nga aspekti ekonomik.
Conte mirëpret nismën e re të KE për paketën 100 miliardë euroshe por shkruan se nevojat do të jenë akoma më të maëdha dhe se duhet vepruar sa më shpejtë sespe nuk ka kohë.
“Këmbëngulet ende në përdorimin e mjeteve që duken krejtësisht të papërshtatshme në lidhje me qëllimet që duhet të ndjekim, duke pasur parasysh se po përballemi me një tronditje epokale simetrike, e cila nuk varet nga sjellja e shteteve individuale.
Është koha për të treguar më shumë ambicie, më shumë unitet dhe më shumë guxim. Përballë një stuhie si ajo e Covid-19 që prek të gjithë, një jelek shpëtimi nuk është i nevojshëm për Italinë: nevojitet një varkë shpëtimi solide, evropiane për të çuar vendet tona të bashkuara drejt rimëkëmbjes. Ne nuk kërkojmë nga askush që të rremojë për ne sepse kemi i krahë të fortë”, shkruan kryeministri Italian. /Opinion.al
