Policia e Shtetit ka publikuar hartën në shqip e anglisht që tregon zonën pa trafik, të dedikuar për këmbësorët e tifozët, si dhe zonat ku mund të qarkullohet me mjete, në 25 maj, ditën kur do të zhvillohet finalja e e Conference League në “Air Albania”.
Policia e Shtetit bën me dije se ka marrë të gjitha masat për garantimin e rendit dhe sigurisë para, gjatë dhe pas ndeshjes mes ekipeve të futbollit të Romës dhe Feyenoordit.
Policia e Shtetit vlerëson shumë mirëkuptimin e qytetarëve dhe u kërkon drejtuesve të mjeteve të shmangin lëvizjen në zonat përreth ku zhvillohet aktiviteti sportiv, si një ndihmë në mbarëvajtjen dhe garantimin e masave të sigurisë.
