TIRANË- Ajo ç’ka përjetuan qindra mijëra shqiptarë me kualifikimin e Shqipërisë në “Euro 2016” nuk është lënë jashtë vëmendjes së mediave të rëndësishme ndërkombëtare. Ja si e përshkruan CNN rrugëtimin e Shqipërisë për në Euro 2016 dhe investimin personal të Kryeministrit për futbollin.
+++
Nuk ndodh shpesh që një Kryeministër të merret me futboll, por as nuk ndodh shpesh që një vend i vogël si Shqipëria të kualifikohet në një kompeticion kaq të rendesishem sportiv. Kështu që për një moment mund ti falet Kryemistrit të Shqipërisë Edi Rama që la më një anë punët e shtetit dhe festoi kualifikimin e vendit të tij në kampionatin Europian ‘Euro 2016’.
Shqipëria i mirëpriti të hënën heronjtë e saj, në më pak se 24 orë nga fitorja e rëndësishme me Armeninë. Rama ishte në aeroportin e Tiranës për të përshëndetur skuadrën, dhe më pas do të udhëtonte bashkë me to në autobus teksa ktheheshin në shesh për te festuar fitoren e madhe që kishte arritur vendi 3 milionë banorësh.
Ditë më parë, ëndrra e finales europiane ishte në rrezik pas një humbje 2-0 në shtëpi përballë Serbisë, rivalit historik.
Ky ishte momenti kur Rama ndërhyri. “I kam takuar lojtarët pas ndeshjes me Serbinë dhe ata ishin të shkatërruar. Ishte një humbje shumë e hidhur”, tha Rama në një intervistë ekskluzive për CNN.
“Kam biseduar me ta dhe u kam dhënë se kur përpiqeni të dilni në majë të një mali të lartë do të përballeni me erëra të forta”.
Pavarësisht nga malet dhe pavarësisht nga erërat, Shqipëria siguroi një fitore 3-0 ndaj Armenisë, duke cuar popullin në festime te medha ne Shqiperi dhe Kosove ku jetojne 1.8 milionë banorë, shqiptare etnike. Tifozët dolen për të përshëndetur heronjtë e tyre nga aeroporti deri ne qender te Tiranes. Festa vazhdoi deri në mesnatë.
Askush nuk e kishte parashikuar se Shqipëria do të dilte nga një grup i cili përfshinte skuadra si Portugalia, Danimarka dhe Serbia.
“Unë kurrë nuk kam realizuar një ëndërr më të madhe se kjo”, ka thënë Lorik Cana për CNN. “Kam telefonuar babanë tim pas ndeshjes në Armeninë dhe ai kishte dy orë që qante”, ka thënë më tej kapiteni i skuadrës shqiptare.
“Ne jemi të lumtur vetëm për qytetarët shqiptarë të cilët edhe pse kanë plot halle na mbështesim. Qëllimi ynë është t’i bëjmë ata të lumtur të harrojnë problemet qoftë vetëm për disa momente”, ka thënë më tej Cana.
Cana, së bashku me lojtarët e tjerë dhe trajnerin kanë marrë medalje mirënjohje nga Rama. “Unë shpresoj se arritja e Shqipërisë në kampionatin europian do të pasohet nga Shqipëria në Bashkimin Evropian”, është shprehur Rama.
http://edition.cnn.com/2015/10/13/sport/albania-football-european-championships-france-2016/index.html
