Të martën 5 Mars 2024 në emisionin “Opinion” u trajtua tema “Ç’ndodhi në gjyq gjatë dënimit të Belerit/ Çfarë armësh ka patur Shqipëria?”
Këtë të martë, Gjykata e Posaçme ka dhënë vendimin për Fredi Belerin, kryetarin e zgjedhur të Bashkisë Himarë, i cili u dënua me 2 vjet burg.
Çështja e Belerit, më shumë se një çështje për një kryebashkiak është një çështje që ka sjellë tensione mes Shqipërisë dhe Greqisë.
Ka qenë në qendër të vëmendjen për arsyen se Greqia kërkonte që atij t’i jepej leje nga burgu për të bërë betimin si kryebashkiak i Himarës. Ai nuk e ka bërë ende, ndërkohë qeveria shqiptare ka deklaruar se nuk do të zbatojë rregullin sipas së cilit po nuk u paraqite 3 muaj në detyrë, kryebashkiaku zëvendësohet dhe shkohet në zgjedhje të tjera lokale.
Çështja vijon të mbetet pezull, sepse vendimi është dhënë nga Gjykata e Shkallës së Parë, ndërsa avokatët e tij mund ta çojnë në Shkallën e Dytë.
E ftuar në studio për të folur për këtë temë ka qenë: Klodiana Lala.
Ndërsa në pjesën e dytë dhe të tretë është transmetuar një material mbi Muzen e ri të Armëve në Shqipëri.
Për me tepër ndiqni emisionin e plotë “Opinion”;
