Prokurorja deri më sot e Krimeve të Rënda, Elisabeta Imeraj, është caktuar drejtuese e Prokurorisë së Shkallës së Parë, Tiranë. Ajo u bë e njohur teksa u shfaq në Këshillin e Mandateve, duke kërkuar arrestimin e ish-ministrit të Brendshëm, Saimir Tahiri.
Besmir Hajdarmataj, Elisabeta Imeraj dhe Gentian Osmani (në foto) ishin trupa e prokurorëve që kanë kryer deri më tani hetimet për dosjen më të bujshme të vitit, atë përfshirjes së Tahirit në trafikun e drogës me kushërinjtë Habilaj.
Nga sot Elisabeta Imeraj, nuk do të jetë më pjesë e kësaj trupe. Arta Marku e ka komanduar atë, drejtuese të Prokurorisë së Tiranës duke e larguar nga Krimet e Rënda. Duhet thënë se Imeraj pati një “fat më të mirë” se kolegu i saj Besim Hajdarmataj i cili pak kohë më parë u shkarkuar nga Drejtues i Prokurorisë së Krimeve të Rënda. Ende nuk dihet se kush do ti drejtojë tani hetimet për Tahirin.
/Opinion.al
