Taksa ndëshkuese e Bashkimit Europian hyn në fuqi ditën e sotme dhe synon produktet amerikane, duke përfshirë uskin motoçikletat dhe cigaret.
Detyra e saj është synimi i mallrave me vlerë 3.3 miliardë dollarë, pasi SHBA-të vendosen për vendet e bashkimit europian tarifë për çelikun dhe aluminin.
Presidenti Donald Trump po vazhdon me zotimin e tij të fushatës për të mbrojtur vendet e punës amerikane dhe e ka përshkruar marrëdhënien tregtare me fqinjët dhe aleatët si të padrejtë. Trump u ka kërkuar zyrtarëve të tij që të rishikojnë rregullat e tregtisë.
SHBA-të kanë vendosur tarifë për Kanadanë, Meksikën dhe produktet e ardhura nga Kina. Nga ana tjetër, Kina, India dhe Truqia kanë vendosur tarifë për importet e mallrave të SHBA-së.
Presidenti i Komisionit Europian, Jean-Claude Juncker është shprehur të enjten se vendimi i SHBA-së shkon përkundër gjithë logjikës dhe historisë, duke deklaruar se tarifat e vendosura nga Europa do të synojnë ‘Harley-Devidson’, uskin e markës ‘Bourbon’ dhe xhinset ‘Levi’s’.
Më tej, Juncker shtoi: Përgjigja jonë duhet të jetë e qartë dhe e matur, pasi do të bëjmë atë që duhet bërë për të ribalancuar humbjet dhe mbrojtur vendet e punës.
Më poshtë vijojnë vetëm disa nga produktet që janë futur në listën e BE-së:
Uski ‘Bourbon’, BE importoi nga SHBA rreth 450 milion euro në vitin 2017.
Boronicë, lëngë boronice, lëng portokalli, qumësht dhe gjalpë.
Produkte kozmetike, BE-ja importoi nga SHBA më shumë se 280 milion euro në vitin 2017.
Motorë dhe motoçikleta, me pistonë dhe djegie të brendshme me kapacitet prej 550cc.
Cigare, puro, cheroots (një lloj puro e hollë) dhe lloje të tjera të duhanit
Anije, jahte, kanoe dhe varka me rrema.
Xhinse, këpucë lëkure, veshje dhe rroba plazhi.
Produktet e çelikut./Opinion.al
