Emisioni “Stop” ka shkuar në tregun e madh të perimeve në Lushnjë, aty ku fermerët e zonës e jo vetëm, tregtojnë produktet e tyre.
Pasi “Stop” vëzhgoi çmimet për një sërë produktesh ata shprehën shqetësimin se prodhimi i tyre shitet disafish më shtrenjtë në Tiranë.
Disa fermerë thonë se detyrohen t’i shesin lirë prodhimet e tyre, aq sa nuk munden të shlyejnë edhe kostot.
Sipas ekspertit të ekonomisë Klaudio Bushaj ka një luhatje shumë të madhe të çmimeve nga ata që i prodhojnë tek ata, që i shesin te konsumatori final.
“Ka një luhatje shumë të madhe të çmimeve të cilat tek fermerit dhe çmimet që tregtohen tek konsumatori final. Kam bërë një përllogaritje, duke llogaritur çmimin e vënë nga fermeri, kostot deri në nxjerrjen në shitje të produktit, duke vendosur dhe një marsh fitimi, një marsh të pranueshme fitimi. Ajo që vë re është se ka një rritje shumë të lartë të çmimit nga prodhuesi e deri tek konsumatori final. Ne kemi parë që çmimi tek prodhuesi është 200 Lekë dhe çmimi që shitet tek konsumatori final është 350 Lekë, që do të thotë se kemi një rritje me mbi 45% të çmimit nga prodhuesi e deri tek konsumatori final. Kjo nuk është aspak e pranueshme, ka një rritje stratosferike të rritjes së çmimeve e deri tek konsumatori final. Autoritetet shtetërore duhet që të kenë një monitorim të vazhdueshëm të çmimeve duke kontrolluar të gjitha pikat e shitjes me pakicë të produkteve bujqësore”, tha eksperti i ekonomisë Klaudio Bushaj./tvklan.al
