Kompozitori dhe regjisori, Osman Mula, njëkohësisht anëtar i Këshillit Kombëtar të PD-së, ka mbajtur një fjalim gjatë mbledhjes së sotme të Këshillit Kombëtar.
Mula tha se populli është me një dorë në valixhe për tu larguar nga vendi, ndërsa theksoi se qeveria sa herë ndihet në “ankth”, telefonon SPAK dhe kërkon arrestin e Berishës e të Metës.
Më tej ai u ndal te rritja e çmimeve ndërsa theksoi se rrogat dhe pensionet janë të ulëta.
“Sa herë qeveria përdor zoloft, është një medikament kundër depresionit, telefonon SPAK-un dhe i thotë arrestoni Metën dhe Berishën se më filloi ankthi. Si mundesh të bësh karshillëk dhe të shesësh p*rdhë gjithë ditën kur pas çdo raporti del keq, si Shqipëria vatër e pastrimit të parave të pista, financim të terrorizmit, nuk skuqesh e zverdhesh. Këtë raport e nxjerr Dhoma Amerikane e Tregtisë, ku nënvizon që jo vetëm nuk ka përmirësim, por dëmton anëtarësimin në BE.
Jemi të mbytur me informacione të rreme, ku gatuhen në kabinetet e qeverisë. Nuk u ndërtua një klasë të pasurish që ka pasuri të deklaruara, por çdo ditë vetëm sharje e mallkime, ky horr, ky pis. As edhe një parametër normal dhe qytetar. Rendi për faqe të zezë, mund të vrasësh këdo dhe kudo. Psh*rr tek dera e shtëpisë, mund të të rrahin me gjithë vajzën tek dera e shtëpisë. Çmimet rriten çdo ditë, dhe kërcen trangulli siç i do qejfi, karburanti ja ka bërë naftën popullit. Rinia rrugëve pa punë, rrogat dhe pensionet për faqe të zezë. Sa herë që bëjnë mashtrime dhe i thonë popullit, dhe populli ankohet se nuk kam çfarë të ha, ky afrohet dhe të thotë përpiqu të hash me zor” – tha Mula.
