Bashkia e Tiranës do të paraqesë sot pasdite në këshillin bashkiak projektvendimin për çmimet e reja të institucioneve që ajo menaxhon si në kulturë, sport, etj.
Kështu një biletë për të rritur në teatër do të kushtojë 500 lekë (të reja, për studentët dhe të moshuarit (mbi 65 vjec) do të kushtojë 300 lekë (të reja). Ndërsa bileta për në koncerte do të jetë 1 000 lekë të reja. Shfaqjet për fëmijë do të kushtojnë 100 lekë për person.
Për të marrë në përdorim Qendrën Kulturore në Tiranë si dhe ambientet e amfiteatrit vlera do të jetë 10 000 lekë të reja për një orë.
Për të gjitha institucionet kulturore në Tiranë qytetarët mund të pajisen me atë që quhet “karta e publikut” dhe kushton 3 000 lekë të reja. Me këtë kartë mund të shihni 8 shfaqje.
Hyrja në kopshtin zoologjik do të jetë 50 lekë bileta për fëmijë dhe 100 lekë për të rritur.
Për ambientet sportive që menaxhohen nga bashkia e Tiranës tarifat janë këto:
Fusha e futbollit 400 lekë/personi
Fusha e volejbollit 100 lekë/personi
Fusha e basketbollit 100 lekë/ personi
Tarifa për Palestrën 150 lekë/ ora
Kalceto jashtë shkollës 100 lekë /ora
Ambiento kalçeto sintetik 125 lekë/ ora
